ياريت نفهم

ياريت وانت بتتكلم عن مرضك و تعبك و معاناتك مع اولادك ...في غيرك عنده برده مشاكله وانت شايف انك اكتر منه ..!!
ياريت يبقي في دم ..احساس ..كلنا فينا اللي مكفينا ...

خومسوميت حاجه وحاجة

تشتت...
شخصيات متناقضة...
هويات غير مكتملة كتير....
مليون فكره في نفس الوقت...
احلاام و امنيات ..كتير
كل ده جوا واحدة...انا مختلفة ولا في زي كتير؟!

الفرص الضائعه

متأخر أوي علي فكره...
حاجات كتير بنقول عليها كده...
أمتى يجي اليوم اللي تبقى فيه الفرصة  "سعيدة"

مافيش صاحب يتصاحب

بيزعلوا اوي لو مسألتش عليهم...مع أنهم مبيسألوش أصلا ويعتبوك علي حسابك أقصد رصيدك لما تتصل أنت بيهم.
لا وإيه... يا حرام لو عملت فيهم موقف هما عملوه وانت مزعلتش علشان هما أصحابك، يزعلوا أوي لو انت عملت نفس الموقف ده معاهم...
ولما اشتكيت و زعلت اوي لاقيتهم بيقولوا ..دي بقيت موضه قديمة :(

قبل يد والديك ثناءا

لو اقدر في كل ساعه ابوس ايد امي و ابويا علي اللي بيعملوه هاعمل كده
يمكن مكنش واصلي الاحساس اوي زمان و لسه معنديش اطفال علشان اقول اني حسيت بالامومه
بس التعب اللي تعبوه معانا و من غير ما يقولوا اي حاجه
وكمان المصاريف الكتير اللي بيصرفوها من غير ما يحسبوا
يارب يقدرني و اعملهم حاجه من الحاجات اللي عملوها معايا
"و قل رب ارحمهما كما ربياني صغير " صدق الله العظيم